Doa Aneuek Nanggroe

Oleh: ULFAH

Aceh lôn sayang seramoe Meukah
Leupah that indah meugah u luwa
Nanggroejih tari rakyat pih cidah
Hana tandéng sah ngön nanggroe luwa

Hak asasi manusia tetap tajunjông
Seubab nyan hukôm harus tajaga
Kareuna Aceh Naggroe bak ujông
Dalam wilayah pulo Sumatra

Di lèe masa DOM poma geupegah
Bak ulôn tuan poma calitra
Watèe masa nyan teumaköt leupah
Naggroe Aceh nyoe lam huru–hara

Jinoe Aceh nyoe hana lé garang
Rakyat jih seunang aman sejahtra
Hana lé susah lagèe dalam prang
Seubab ka aman damai sentosa

Aceh masa nyoe le kemajuan
Rata jeut simpang polisi jaga
Hana cit tuwo dipeurôh Polwan
Nyan keuh jeut tanda Aceh ka jaya

Polisi geujaga bak lampu mirah
Ngön bajèe dinah gagah perkasa
Geupeujak siblah, geupeudong siblah
Jeut na ketertiban bak jalan raya

Polmas ngön rakyat bersatu padu
Geubangun Aceh bahu-membahu
Bak bandum bidang geubangun laju
Untuk geucipta Aceh nyang maju

Polmas nyang na harus tajaga
Ureueng peulindông geutanyoe dumna
Wajeb tateugah salah meunyoe na
Deundam amarah bèk na lam dada

Keamanan pih tujuan utama
Seubab nyan kewajiban wajéb talaksana
Meunan geupeugah lé pimpinan bangsa
Nyang harus geutanyoe jaga bersama

Di Nanggroe Eropa kota Helsinki
Nyan pat meusaho geupegét rapat
Bek jeut teupisah Aceh ngön NKRI
Di sinan meurumpok kata seupakat




Teupat watèe nyan tanggai limöng blah
Thôn dua ribè limöng bak buleuen lapan
Seujak saat nyan tanda h’an pisah
Aceh ngön NKRI tetap meusajan

Ya allah, Ya Rabbana
Rakyat lôn neubri beu meubahgia
Naggroe nyan tertib serta bersahaja
Mari geutanyoe jaga bersama

Bidang Pendidikan paléng utama
Seubab nyan pokok harus talaksana
Seumoga teucapai nyang ka ta cita
Naggroe nyoe bebas tuléh ngön baca

Meunan cita–cita Pahlawan Bangsa
Nanggroe nyang maju bermartabat mulia
Generasi penerus wajeb tabina
Tabri pendidikan han jeuet meubéda

Pemimpin adé nyang tanyoe pileh
Bidang Pendidikan paléng utama
Seubab nyan pukok harus tagaséh
Untuk geucipta Aceh nyang jaya

Aceh geupimpin ngön gaséh sayang
Sidroe ureueng nyan nyang tanyoe piléh
Seumoga tanyoe aman dan ténang
Bèk na lé ureueng nyang pubuet paléh

Qanun geuputuskan bak peumerintahan
Wajéb talaksana geutanyoe rakyat
Bèk lé ureueng nyang salah paham
Seubab keputusan nyan kata seupakat

Qanun nyang ka na wajéb tajalankan
Qur’an ngön Hadis jeut keu peudoman
Supaya tanyoe bek salah jalan
Untuk menuju udép nyang aman

Do’a talakè ka nibak Tuhan
Bandum geutanyoe wajéb ta pinta
Peujinoh musibah dari geutanyoe
Nanggroe Aceh nyoe ji-ôh bak bala

Amin ya Allah..
Amin Ya Rahman..
Neubrie Ya Allah
Aceh beu aman