Peukara Nyang Limong

Oleh : Sri Ningsih Gyssus

Assalamualaikum warahmatullah wabarakatuh

Sulôh nyang awai beudöh bèk éh lé
Sulôh nyang akhé beudöh beu jaga
’Oh ban teukeujôt meubèk taduek lé
Laju ta piké limöng peukara

Nyang pertama phôn ingat keu Tuhan
Keu dua taulan ingat keu désya
Ingat keu désya tanyoe beukayém
Bèk lé takhém-khém jeut geubri bala

Lagèe geutanyoe sidroe polisi
Nyang dakwa-dakwi peuaman sigra
Seubab geutanyoe peudöng aturan
Polmas dengön HAM harus teujaga

Teuma nyang keu lhèe ingat keu maté
Geutanyoe h’an lé tatinggai dônya
Blang padang masya luwah meuhalak
Pakriban tajak amalan hana

Hudép lam dônya beu na amalan
Ingat hai taulan bak buet nyang mulia
Ta pubuet surôh beu jiôh larang
Perintah Tuhan beu takeurija

Teuma nyang keu peut ingat keu kubu
Taduek ngön tungku tarô ie mata
Taduekteuh sidroe seurata ta-éh
H’an lé soe gaséh dalam keureunda

Masa di dônya wahé e rakan
Hak-hak kemanusiaan sabé tajaga
Bèk taseumeupoh sisama insan
Nyankeuh peulanggaran hak asasi manusia

Teuma nyang limöng ingat akhérat
Dônya nyoe siat keu ayeum mata
Deungön syédara seureuta taulan
Sambông keumitraan taniet keluarga

Taduek lam dônnya cit dang thô reu-ôh
Tamsé tapiyôh yup kayèe raya
Polmas deungön HAM tabri peunyulôh
Bèk na lé riyôh dusôn ngön kuta

Lam rumoh tangga bèk na salah pham
PKDRT bèk na talanja
Seubab budaya Nanggroe Aceh Darussalam
Indatu peunulang beuna ta aga


WASSALAM